FESTA FIN DE CURSO

Un novo curso chega ao seu fin. Nesta ocasión decidimos celebralo cunha festa hawaiana na que non faltou detalle e que favoreceu unha divertidísima xornada de convivencia de mestres e alumnado de todas as idades.
Aquí vos deixo unhas imaxes.



APROVEITO PARA DAR POR FINALIZADAS AS MIÑAS PUBLICACIÓNS NESTE BLOG XA QUE ESTE CURSO REMATA A MIÑA ETAPA NESTE CENTRO. ESPERO QUE VOS GUSTASE E VOS RESULTASE ÚTIL.
UN SAUDO PARA TOD@S E BO VERÁN!!!!!!

"Educándonos"

O Concello de Poio leva a cabo un programa para escolares coñecido como "Educándonos". O cole Isidora Riestra participa no mesmo e nesta ocasión fomos convidaddos a mariscar cos profesionais deste sector.
A xornada, ademais de divertida e moi instructiva, foi moi entrañable xa que alumnas e alumnos tiveron ocasión de traballar ao carón dos seus familiares. Avoas, mamás, tías e tíos,.... Un verdadeiro placer.

EXCURSIÓN DE FIN DE CURSO

Están a rematar dous cursos de traballo en común. Moitas actividades que nos fixeron sufrir e gozar. Como despedida decidimos facer unha saída á granxa O KIRIKOde Fornelos de Montes. Pasamos unha xornada estupenda.

MUSEO EFÍMERO

Moi interesante a actividade levada a cabo hoxe 18 de maio no CEP Isidora Riestra con motivo do día dos museos.
Despois de distribuirnos en grupos heteroxeneos compostos por alumnado dende 3 anos ata 6º de Ed. Primaria, saímos a recoller materiais cos que facer unha obra de arte efímera.

Espléndidos resultados tanto artísticos como de convivencia.

POSTER DIXITAL

Día do libro: Roald Dahl

Este ano adicamos ao gran escritor Roald Dahl o día do libro. Conmemoramos esta data tan importante con unha semana cultural chea de actividades. Nenos e nenas de 2º dramatizamos a súa obra QUE ASCO DE BICHOS!!.
Picando no seguinte enlace podedes ver a actuación.
Que asco de bichos!

Rimas

No segundo trimestre estivemos a traballar a poesía .
Por outro lado estamos a facer traballos con  lexico do mar.
Para fusionar os dous traballos elaboramos rimas sobre o mar e recitámolas. Podédelas ver no seguinte video.

LETRAS GALEGAS 2017

O ano 2017 o día das Letras Galegas está adicado ao escritor ourensán Carlos Casares.

Carlos Casares Mouriño naceu en Ourense o 24 de agosto de 1941.

Era fillo de Francisco e Manuela e tivo dous irmáns, Mercedes e Xavier. Con eles viviu, dende os tres anos, na vila ourensá de Xinzo de Limia.

Estudou no Seminario de Ourense e na Universidade de Compostela.

A súa primeira obra publicouna cando tiña vinte e seis anos e tiña por título «Vento ferido».

Publicou unha chea de obras para nenos e nenas: «A galiña azul», «As laranxas máis laranxas de tódalas laranxas», «Lolo anda en bicicleta», «O can Rin e o lobo Crispín», «Toribio ten unha idea», «Toribio e o contador de contos»...

Foi membro da Real Academia Galega e dirixiu a Editorial Galaxia, que publicaba libros en galego.

Casou coa sueca Kristina Berg coa que tivo dous fillos: Hakan e Christian.

Biografía en liña Seminario Galán 

Outras actividades 

EDUCACIÓN VIAL

VIDEO

Juegos Mapfre

Educapeques(más juegos)

SALÓN DO LIBRO

Días de moita actividade. Primeiro foi o turno do teatro, despois educación vial e hoxe turno para o salón do libro onde participamos nun obradoiro ademais de ver a exposición de traballos feitos por nos mesm@s e por alumnado doutros coles. Por suposto e como en edicións anteriores tamén darlle un abrazo a Orbil, a mascota do salón.
Galería de fotos

EDUCACIÓN VIAL

Nunha semana de moita actividade hoxe xoves tivemos prácticas de Ed Vial no parque da Reiboa.
 Un tempo espectacurar, un entorno inmellorable e a boa actuación da policía local de Poio para facer practicas de como ser bos peatóns, ciclistas e condutores en xeral.